يجب من يحكم مصر ان يكون دكتور في الهندسة و عالم في التكنولجيا و الالكترونيات و الاتصالات و الكلام ده ، او يكون عالم زي زويل ، لان نهضة الشعوب بالعلم الان و سلاح اي دولة هو العلم الان ، شوفوا الهند و ماليزيا عاملين ازاي ، مش محتاج اتكلم عنهم ، ولازم يكون عارف انه جاي علشان يصحي مصر من الغيبوبة اللي فيها في التعليم و الصحة و المستشفيات التعبانه ويطبق التكنولوجيا فيها و يقوي الصناعه و يستغل الايدي العامله ، و يمحي الفساد ازاي ؟ لان اي رجل عالم في التكنولجيا بيحب العمل و اللي مش هيعمل كويس هيشيله . مينفعش رئيس مصر يكون واحد في الاعلام زي عمرو خالد و بياخد فلوس علشان الكلام ده ، مينفعش هيفيد البلد بايه ؟؟يقدم برامجه علي القنوات المصرية ؟؟ هذا غير مؤهل علميا اطلاقاًًً و كل واحد و ليه مجاله !! مينفعش رئيس مصر يكون اكبر من 55 سنة ، احنا عايزين حد وصل لاعلي الدرجات العلمية في سن صغير وفي منهم كثير . مينفعش نرشح حد من الجيش و يكون كل همه و فكره في زياده مرتبات الظباط و الداخليه وولائه للجيش ،ونسيب التعليم و الصحة يخربوا بقي. هتقولوا عايزين الجيش قوي و بتاع ، اي حد عالم في مجال الصناعة و التكنولجيا هيقدر يزود الجيش باحدث المعدات و ان شاء الله تكون من صناعة بلدنا ولا نحتاج لاي معونات خارجيه .عايزين حد يقفل علي البلد و منشغلش بالنا بالناس اللي حوالينا انتم فاهميني ، حماس و مش عارف ايه ، لازم نركز ان اننا نبقي قوة عظمي و نهتم بحال البلد اكثر . رئيس ايران دكتور مهندس احمد نجاد ، و ايران عملت قمر صناعي و عملت ميكروبروسيسور و عندها مصانع الكترونيات و اتصالات و كل ما تتخيله ، زي ماليزيا ماسكها دكتور .. حاولوا تفهموا بقي !!! عمرنا ما هنتقدم غير لما يمسكنا حد فاهم في الكلام ده ، هيقدر فعلا يوفر لينا تعليم جيد ، و صحة . هتقولوا و الدين و الاخلاق و القيم ؟ قلك كل مشاكلنا تقريباً هي الفقر و الفقر يخلي الناس مش تشتغل و مش تتجوز و ده يخلي الشباب يتحرش ، يتعاطي مخدرات ..إلخ لما نوفر فرص عمل و مصانع ..إلخ هتلاقيهم مسكوا بيت و صانوا انفسهم ، و بطلوا السجاير علشان المصاريف و بدأوا يصلوا ..إلخ عايزين رئيس عالم يقدر يوفر العدالة الاجتماعيه ، مش معقولة شخص معاه عربية مرسيدس 2010 و ياخد بنزين مدعم بنفس سعر البنزين الي بياخده اللي معاه موتوسيكل !!! مش عايزين واسطه ولا محسوبية في التعيينات ، و ياريت بقي كل الناس اللي بقالها اكثر من 50 سنة تقعد معاش و القيادات يبقوا الشباب و هما اللي يمسكوا المناصب و من الشباب اللي واكل فول الصبح ، لانه هو الوحيد اللي بيحس الان لانه هو اللي حاسس بالمعناه و لما يلاقي شاب زيه فقير و كان في نفس وضعه و لا هيتعبر الواسطه و لا المحسوبية .
No need for english translation ,because that topic is written for only Egyptians :).
No comments:
Post a Comment